Popular Bible Verses from Ap 10

Share

Naq taa'ab'imanq li xyaab' xkux li xwuq ánjel ut a'an tixyaab'asi li xtronpeet, toja' naq sa'eb' li kutan a'an taatz'aqloq ru li xtz'aptz'ookil na'leb' li Yos, jo' kixye chaq rik'in chaab'il esilal reheb' laj k'anjel chiru, a'eb' li propeet”.

Toja' naq kiyehe'k we: “Tento naq tat-aatinaq wi' chik jo' propeet chirix naab'aleb' chi tenamit, jo' ajwi' chirix naab'aleb' li amaq' ut awab'ej”.

Kiwil ajwi' jun chik li ánjel kaw rib', yo chaq chi kub'eek sa' choxa, sutsu sa' choql, wank li kaqlaaq' chi xb'een xjolom; li xnaq' ru kama' li saq'e ut eb' li ra' chanchaneb' oqech yo xxamlel.

Toja' naq kohin wan wi' li ánjel ut kinye re naq chixk'e we li ch'ina hu; ut a'an kixye we: “Chap ut nuq': tixk'ahob'resi laasa', ab'an sa' laawe kama'aq xki'al li xya'al kab'”. Kink'ul li ch'ina hu sa' ruq' li ánjel ut kinnuq': li xki'al sa' li we jo' xki'al li xya'al kab', ab'anan, naq kinnuq', kik'aho'k sa' linsa'.