Popular Bible Verses from Ap 11

Share

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

Xe'josq'o'k eb' li tenamit, ab'an xchalk laajosq'il ut xtaw xq'ehil xraqb'al aatin sa' xb'eeneb' li kamenaq, jo'wi' xq'ajkamunkileb' laj k'anjel chawu, a'eb' li propeet, eb' li sant ut eb' li neke'paab'ank chawu jo' kok' jo' ninq. Xtaw xq'ehil xsachb'aleb' ajwi' li neke'sachok re li ruuchich'och'”.

Ut laa'in tinb'aanu naq eb' linwiib' chi testiiw tiqtooqeb' rik'in saak, te'aatinaq jo' propeet chiru oxk'aal xka o'q'ob' (1,260) kutan”.

Ab'anan, naq ak ke'nume'k li oxib' kutan rik'in jun wa'leb', jun yu'am musiq'ej elenaq chaq rik'in li Yos ki'ok rik'ineb', ut ke'xaqliik: k'ajo' xxiweb' li yookeb' chi ka'yank.

Eb' a'in wankeb' xwankil chi xtz'apb'al li choxa re naq ink'a' tixk'e li hab' sa'eb' li kutan yooqeb' wi' chi aatinak jo' propeet; wankeb' ajwi' xwankil chi xsutq'isinkil li ha' cho'q kik' jo'wi' re xrahob'tesinkil li ruuchich'och' rik'in chixjunil li rahilal jar wa te'raj xb'aanunkil.

A'aneb' a'in li wiib' xche'el olivo ut li wiib' xna'aj kanteel li xaqxookeb' chiru li xQaawa' li ruuchich'och'. Wi wank junaq taa'ajoq raj xrahob'tesinkileb', taa'elq chaq xam sa' reheb' ut tixnuq'eb' li xik' neke'ilok reheb'. Jo'ka'in naq taakamsiiq yalaq ani taa'ajoq xrahob'tesinkileb'.