Popular Bible Verses from Jos 6

Share

Ab'an li Qaawa' kixye re laj Josué: “K'e reetal, laa'in tink'e sa' laawuq' li tenamit Jerikó jo'wi' li x'awab'ej.

Naq te'ok chi eek'ank li xukub' ut teerab'i chi eek'ank li tronpeet, chixjunil li tenamit te'xjap reheb' chi kaw, ut li xsuttz'akil Jerikó taat'ane'q. Toja' naq jun xikikaqex chi tiik sa' xb'een Jerikó”, chan.

Jo'k'ihalex yo'oon wankex chi yalok, sutumaq rix li tenamit. Jo'ka'in teeb'aanu chiru waqib' kutan.

Aj k'amolb'ehaqeb' chiru li Loq'laj Kaax wuqub' chi aj tij li te'k'amoq junjunq xxukub'eb' li karneer cho'q tronpeet. Sa' xwuq li kutan teesuti li tenamit wuqub' sut ut eb' laj tij te'xyaab'asiheb' li xtronpeet.

Maa'ani na'elk chi moko na'ok Jerikó, xb'aan naq tz'aptz'ookeb' chi us li rokeb'aal li tenamit xb'aan xxiweb' chiruheb' laj Israel.

Naq eb' laj tij ke'xyaab'asi li tronpeet sa' li xwuq sut, laj Josué kixye re li tenamit: “Chajomaq eere xb'aan naq li Qaawa' xq'axtesi li tenamit sa' leeruq'!

Li tenamit a'in ut chixjunil li k'a'aq re ru wank chisa', sachb'ilaq ru chi junajwa sa' xk'ab'a' li Qaawa'. Ka'ajwi' lix Rajab laj yumb'eet taakanaaq chi yo'yo rochb'eeneb' li wankeb' sa' rochoch, xb'aan naq kixmuqeb' li winq kiqataqlaheb' chaq chi k'ehok eetal.