Popular Bible Verses from Heb 5

Share

A'ut li kawil tzekemq a'an cho'q reheb' li ak ninqeb', a'aneb' li ke'xk'aytesi li xk'a'uxl chi xtawb'al ru b'ar wank li us ut b'ar wank li ink'a' us.

Laa'ex aj tzolonelex raj chik anaqwan xb'aan naq ak k'iila kutan chik eerokik; ab'an aajel ru naq toj taak'ute'q wi' chik cheru li na'leb' xetzol sa' xtiklajik chirix li Raatin li Yos; toj tento taak'eemanq eere li q'unil tzekemq ut ink'a' li kawil tzekemq. Xb'aan naq chixjunil li toj natu'uk, ink'a' naxnaw li xnimal tzolok chirix li choxahil tiikilal, xb'aan naq toj k'uula'al.

Us ta a'an K'ajolb'ej, ab'an kixtzol paab'ank rik'in li rahilal kixk'ul. Ut naq koxtaw li xtz'aqalil re ru, kikanaak cho'q xyo'leb'aal li kolb'a ib' cho'q reheb' chixjunil li neke'paab'ank re

Chiru li xyu'am arin sa' ruuchich'och', li Kriist kitz'aamank ut ki'elajink chi kaw xyaab' xkux ut rik'in xya'al ru chiru li Yos, li wank xwankil chi kolok re chiru li kamk, ut ki'ab'iik xb'aan naq tiik xch'ool.