Popular Bible Verses from Heb 4

Share

Relik chi yaal naq yo'yo li Raatin li Yos ut kaw rib', jwal q'es chiru chixjunil li ch'iich' ka'pak'al xq'esnal. Nawulak toj sa' xyanq li aanmej rik'in li musiq'ej, toj sa'atq xtiqb'al li qab'aqel ut li sulutz; narajla jo'ch'inal jo'nimal li nareek'a ut naxk'oxla li ch'oolej.

Jo'kan utan, jiloqo chi tuqtuuq qach'ool rub'el roq wan wi' li usilal; ut chi jo'kan toxqak'ul li ruxtaan ut toxqataw li rusilal re naq tenq'anb'ilaqo tz'aqal sa' xq'ehil.

Xb'aan naq moko wank ta junaq xyuwa'il aj tij li ink'a' ta naxnaw ruxtaanankil ut xtoq'ob'ankil qu; wank b'an jun li kiyale'k rix rik'in chixjunil kama' ajwi' laa'o, ab'an ink'a' kimaakob'k jun sutaq.

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

Kawaq b'i' qach'ool chi junelik sa' li qapaab'aal, xb'aan naq wank jun xnimal ru xyuwa'il aj tij li kox'okaq sa' choxa, a' li Jesus, li Ralal li Yos.

Qayalaq b'i' qaq'e re naq too'ok sa' li hilob'aal a'in re naq maa'ani chit'ane'q sa' li q'etb'a aatin a'an.