Popular Bible Verses from Dt 8

Share

“Chijultiko'q aawe li Qaawa' laaYos: a'an li xk'ehok aakawilal chi xtamresinkil li b'ihomal. Ut xb'aanu chi jo'kan re xpaab'ankil li Sumwank li kixyeechi'i sa' jurament reheb' laana' laayuwa'.

Us ta kixkub'si laawankil ut katxk'e xkuyb'al aasa', ab'anan kixk'e chawa' li maná li ink'a' aanawom ru laa'at chi moko xnawomeb' ru laana' laayuwa', re xk'utb'al chawu naq moko ka'aj ta wi' rik'in wa yo'yo li winq, rik'in aj b'an wi' chixjunil li na'elk chaq sa' re li Qaawa'.

“Wanq sa' laach'ool chixjunil li b'e kixk'e chab'eeni li Qaawa' laaYos chiru li ka'k'aal chihab' a'in sa' li chaqich'och' re xkub'sinkil aawankil, re xyalb'al aawix ut xnawb'al k'aru wank sa' laach'ool: ma taapaab' li xchaq'rab' malaj ut ink'a'.

Maaye sa' laawaanm: «Rik'in linmetz'ew ut xkawilal li woq wuq' xintaw li b'ihomal a'in».

“K'e reetal, maatz'eq chirix aach'ool li Qaawa' laaYos. Misachk sa' aach'ool xpaab'ankil li chaq'rab', eb' li aatin ut taqlahom xinye aawe sa' li kutan a'in.

Chataw ru naq li Qaawa' laaYos xatxtij, jo' junaq yuwa'b'ej naxtij li ralal.

Aran tattzekanq toj reetal taak'ojlaaq aach'ool, ut taanima xk'ab'a' li Qaawa' laaYos sa' li chaab'il ch'och' a'an li xk'ehom aawe.

“Chak'uula sa' laach'ool eb' li xchaq'rab' li Qaawa' laaYos, chataaqe li xb'e ut chawoxloq'iiq.

ut katxch'oolani sa' li chaqich'och' rik'in li maná li ink'a' xnawomeb' ru laana' laayuwa'. Kixkub'si aawankil ut kixyal aawix re naq moqon tixk'e xsahil laach'ool.

“Mare anchal tatq'etq'eto'q naq tatwa'aq chi yo'oon, naq taayiib'eb' laachaab'il ochoch ut wanqat chisa', naq te'k'ihanq laawakax ut eb' laakarneer, naq numtajenaqaq laaplaat ut laa'oor ut taatamq laab'ihomal. “Mare anchal taasachq sa' laach'ool li Qaawa' laaYos li ki'isink chaq aawe sa' li tenamit Ejiipt, b'arwi' katwank chaq chi munil.

Xb'aan naq li Qaawa' laaYos tatroksi sa' jun chaab'il ch'och', wank xnima'il ut yu'amha' neke'wulk'ukje'k chiru taq'a ut chiru tzuul. A'an jun li ch'och' b'arwi' na'elk li triiw, li seb'aad, li uub', li iig ut li ki'il q'een, li aseeyt ut li xya'al kab'; aran k'ajo' li tzekemq ut maak'a' taamajelo'q aawe. A'an jun li ch'och' b'arwi' li pek wank ch'iich' chisa', ut sa'eb' li tzuul taapik li q'anch'iich'.

“Chepaab' chixjunil li chaq'rab' xinye eere sa' li kutan a'in, re naq taawanq eeyu'am, texk'ihanq ut toxeereechani li ch'och' kixyeechi'i li Qaawa' reheb' leena' leeyuwa'.

Ink'a' xq'eelo' laawaq' chawix chi moko xsipoje'k laawoq chiruheb' li ka'k'aal chihab' a'an.

A' li Qaawa' kib'eresink aawe sa' li chaqich'och' a'an, jwal nim ut xiwajel, b'arwi' maak'a' li ha' ut nujenaq chi k'anti' neke'kamsink ut aj xook'. Ab'anan kixk'e chi elk li ha' sa' li raxpek