Popular Bible Verses from Josué 24

Share

Napoaponahuëꞌ, co Sinioroíchin yachinotohuatamahuëꞌ, ipora tahuëri huayonco insosona yachinotëramasoꞌ: ¿Shimashonëmapita Iopiratisiiꞌ yonsanquë yaꞌhuëaponaꞌ, nisha nisha mamanshi moshapiso nica? ¿Amororoꞌsa mamanshinëna moshapisoꞌ nica? Caso nipirinhuëꞌ, quëmopinëhuëpitarëꞌco chachin Sinioro chinotarai, itërin.

—Yaꞌipi ina shaꞌhuitëranquëmasoꞌ yonquiatomaꞌ, Sinioro tëꞌhuatocoꞌ. Tëꞌhuatatoma noꞌtëquënáchin natëcoꞌ. Iráca shimashonëmapita Iopiratisiiꞌ yonsanquë yaꞌhuëaponaꞌ, nisha nisha mamanshi moshapi. Iquipitoquënta inapopi. Inapita aꞌporahuatoma Sinioroíchin chinotocoꞌ.

Napotohuachina israiroꞌsari itaponaꞌ: —¡Co nohuantëraihuëꞌ nisha nisha mamanshi moshacaꞌhuaisoꞌ! Sinioro catahuaincoi ama ina pochin nicacaꞌhuaiso marëhuëꞌ.