Popular Bible Verses from Josué 10

Share

Napotohuachina: Piꞌi, yoqui, inapitanta tachitopi. Israiroꞌsari inimiconënpita minsëai huarëꞌ tachitopi. Ina chachin noya ninaꞌpi itopisonta quiricaquë ninshitërinso naporin. Naporo piꞌi, camotëchin nisarin. Nisaponahuëꞌ, aꞌna tahuërira pochin tachitaton, co huachi manorinhuëꞌ yaꞌconacasoꞌ.

Sinioro nohuanton israiroꞌsari amororoꞌsa canapi. Naporo tahuëri chachin Cosoi Yosë nontërin. Sontaronënpita natantonënquë Sinioro nontaton, tapon: “Piꞌi, Capaon ninanoquë tachitëquëꞌ. Quëmanta yoqui, Acaron motopianaquë tachitëquëꞌ,” itërin.

Iráca quëran huarëꞌ co ina pochin tahuëri yaꞌhuëchininhuëꞌ. Ina piquëraonta co huachi ina pochin tahuëri yaꞌhuëantarinhuëꞌ. Naporoíchin Sinioro aꞌna piyapiri nontërinsoꞌ, poꞌpin aꞌpanirin. Sinioro chachin israiroꞌsa catahuaton ahuëtarin niꞌton, naporin.

Coꞌhuara Capaonquë paꞌshátërasoihuëꞌ, Siniorori Cosoi itapon: “Ama amororoꞌsa tëꞌhuatëquësohuëꞌ. Carinquën catahuaranquën yaꞌipi inapita minsëamasoꞌ,” itërin.

(-)