Popular Bible Verses from Gal 5

Share

A'ut li naruuchin li Musiq'ej a'an li rahok, sahil ch'oolej, tuqtuukilal, kuyuk, chaab'ilal, usilal, paab'ank, tuulanil, kuyuk ib'. Maak'a' junaq chaq'rab' naxye naq ink'a' us xb'aanunkil chixjunil a'in.

Chineerab'i: chexb'eeq rub'el xwankil li Musiq'ej, ut chi jo'kan ink'a' teeb'aanu li naxrahi ru li tz'ejwalej.

Wi li Musiq'ej naxk'e qayu'am, choob'eeq ajwi' rub'el xwankil li Musiq'ej.

Ut eb' li reheb' li Kriist xe'xk'e chiru krus li tz'ejwalej jo' ajwi' li k'aru naxrahi ut narataw ru.

Nawno chi us k'aru nachalk rik'in li tz'ejwalej: ko'b'eetak yumb'eetak, muxuk ib', jo'maajo'il wank, xloq'oninkil li yal k'oxlanb'il yos, tuulak, xik'il uuchink, po'ok ru junajil, kaqalik, josq'ink, yoob'ank raaxiik', wech'ij ib', jachok ib', sowenk, kalaak, num wa'ak num uk'ak, ut wank chik xkomon jo'keb' a'in. Chirix a k'a'aq re ru a'in ak inyehom eere, ut ninjultika wi' chik cheru naq eb' li neke'b'aanunk re chixjunil a'in moko te'reechani ta li xnimajwal awab'ejihom li Yos.

Ex was wiitz'in, xexb'oqe'k re wank chi ach'ab'anb'il. Ab'anan sa' xk'ab'a' naq wankex chi ach'ab'anb'il mex'ok chi xb'aanunkil li naraj li tz'ejwalej, chera b'an eerib' ut chetenq'a eerib' cherib'il eerib'.

Xb'aan naq li k'aru naxrahi li musiq'ej xik' na'ile'k xb'aan li tz'ejwalej ut li naxrahi li tz'ejwalej xik' na'ile'k xb'aan li musiq'ej: eb' li wiib' a'in xik' neke'ril rib' chirib'ileb' rib', jo'kan naq laa'ex ink'a' nekeb'aanu li us li nekeraj raj xb'aanunkil.

Xb'aan naq chixjunil li Chaq'rab' natz'aqlok ru rik'in jun chi aatin: “Chara laawas aawiitz'in jo' naq nakara aawib' laa'at”.

Miqasik' qawankil qajunes qib', miqayoob' qajosq'il chiqib'il qib' chi moko chiqakaqali qib'.

Li Kriist ki'ach'ab'ank qe re naq ach'ab'anb'ilaqo chi yaal. Wanqex b'i' chi kaw eech'ool sa' leepaab'aal ut meek'e chik eerib' chi wank chi b'ak'b'o.