Popular Bible Verses from Gal 6

Share

Moolub'k chi xb'aanunkil li us xb'aan naq sa' xq'ehil tooq'oloq, wi ink'a' nach'inank qach'ool.

Jo'kan utan, naq toj naxk'e rib' chiqu, qab'aanuhaq li usilal reheb' chixjunil, ab'anan q'axal chik tqab'aanu reheb' li qech aj paab'anelil.

Chetenq'a eerib' cherib'il eerib' chi xk'amb'al leeriiq, ut teepaab' chi jo'kan li xchaq'rab' li Kriist.

Meeb'alaq'i eerib', li Yos ink'a' naru xb'atz'unenkil: li k'aru naraw li winq, a'an ajwi' li tixq'ol.

Ani na'awk cho'q re li xtz'ejwal, a' li q'aak tixq'ol rik'in li tz'ejwalej; ani na'awk cho'q re li musiq'ej, rik'in li Musiq'ej tixq'ol li junelik yu'am.

Ex was wiitz'in, wi wank junaq taat'ane'q sa' junaq maak, laa'ex li nujenaqex chi musiq'ej chetenq'a re naq tixyiib' li xyu'am; ab'an chetenq'a sa' tuulanil, ut chak'e reetal chi us laayu'am, mat-aaleek ajwi' laa'at.

Wi wank junaq li naxk'oxla rib' naq nim xwankil, chi maak'a' xwankil, a'an yo chi xb'alaq'inkil rib' xjunes. Li junjunq chixk'ehaq reetal chanru li xb'aanuhom; chi jo'kan wank k'aru tixnima wi' rib' xjunes ut ink'a' yal chirix jalan chik, xb'aan naq li junjunq tento tixk'am li riiq.