1
Salmos 37:4
Sharanahua: Diospan Tsain
mcd
Nocon Ifo Diosihuunoa fusti shinain aqui fasi unimacahuun. Man ascaiton maton nomuranshon man fuchipaiyai cuscan nocon Ifo Diosin mato inanshquin.
Compare
Explore Salmos 37:4
2
Salmos 37:5
Nocon Ifo Diosi yoicahuun isca huaquin, —Uhuun Ifon, min ua amapaiyai cuscan ua tapimahuu, —ishon yoicahuun. Nocon Ifo Diosi icoinra huacahuun. Man ascaitofin mato shara huashoshquiquin.
Explore Salmos 37:5
3
Salmos 37:7
Nocon Ifo Diosi ahuun ointaifin puusitama manacahuun. Funacaquinma. Ascan chaca huamisifoan ahuara chaca huaifo cuscan fuchipaiyamacahuun. Nanfo oinquin shinanchacayamacahuun. Nanfoanfin chaca fustisi shinancaniquin.
Explore Salmos 37:7
4
Salmos 37:3
Ascatamarocon nocon Ifo Diosi icoinra huafain futsafo shara huacahuun. Man ascaiton nocon Ifo Diosin mato cushusharai man isharanon.
Explore Salmos 37:3
5
Salmos 37:23-24
Asca ratora isharamisifin nocon Ifo Diosin fasi aqui unimaiquin. Ascashon nan tapimasharashquin ahuuscashumain isharatiroquin. Nocon Ifoan noco mutsoanocai otisifiai non pacutiroma.
Explore Salmos 37:23-24
6
Salmos 37:6
Funamarishta shafaino nantifi oinsharatiro. Nanscarifi ai man Diosi tanashara cuscan nocon Ifo puashquin. Fari masafinin racano fasi chashacoincun shafacaficoin ointirofo. Nanscarifi ai man shara hua cuscan Ifon Diosin nantifi puashquin nantififain oinquin shara huanonfo.
Explore Salmos 37:6
7
Salmos 37:8-9
Nan chaca huamisifo samamashta nai cuyoshquin. Ascan atohuunoa shinanchacayamacahuun. Atohuunoa shinain sinayamacahuun. Ointi rochitima iyamacahuu. Futsafo aya cuscan nanfohuunoa shinanchacayamacahuun. Ascan mato nomuran man shinanchacaquifin man samamashta ahuara chaca huatiroquin. Asca ratoran futsan nocon Ifo icoinra huaashu aqui nocoaiton ahuara shara inainno a fu isharapacunaca.
Explore Salmos 37:8-9
8
Salmos 37:25
Un pushco iyopaonifiashu natian un anifoshtacoin. Ascan uncai oinmisima nocon Ifoan ahuun yorafo ato potaiton. Uncai aton facufo oinmisima futsafo tushu yocaifoan.
Explore Salmos 37:25
9
Salmos 37:1-2
Samamashta farin fasi tsasi huayacufoantiro. Charofori sharamishti foaica nanfori samamashta tsasiacucahuantiro. Nanscarifi ai nan chaca huamisifo niyocanashu ahuara ichapayafiafo nanfori samamashta nai futsushcani. Ascacun nan yoran chaca huahuunoa shinanchacayamacahuun. A chaca huamisifo aya cuscan fuchipaiyamacahuun.
Explore Salmos 37:1-2
