Popular Bible Verses from Salmos 34

Share

Futsan ahuara chaca finoain cuscan ahuun nomuran mui fasi omitsiscai. Ascaino Ifo Diosin ahuun ramapaicoin a fu rafui. Nanscara yorafin Ifon Diosin ato numashquiquin afanan tsoa omitsiscanonma

Ascacun uhuun Ifo un cufian cuscan ua nicashara. Ua nicaquin uhuun ratufo ua potashoshquin. Ascainocai afanan ahuara chacafoqui un ratuima. Uhuun Ifon ua numa un afanan afoqui ratunonma.

Nan ratora futsan Ifo Diosi yonoa cuscan huamisifofia nantori ahuara chaca ichapa finontiro. Ascafia Ifo Diosifin nantifi chaca finoan cuscan numaiquin.

Nocon Ifo Diosin fasi sharacoinquin tapicahuun. Tsoan nocon Ifo icoinra huacun nan cushusharafain fasi unimamashquin.

Ascan tsoan Ifo Diosi cufinfafainnaifin nanfin ashosharaiquin. Nanfin unimamaino ahuun fuso fupishtacoin iiquiquin. Afanan rafipaitiroma ahuun fuso fupishtacoin fusti iquin.

Ahuun yorafoan cufiainfo cuscan Ifo Diosin nicaquin ato ashoi. Nanfoan ahuara chaca finoainfoan nantifi atohuunoa Ifo Diosin ato numai.

Asca tsoan Ifohuunoa yoisharafafainmisifin naanquifin Ifo Diosin ahuun oinmati nai muran a fu icano aqui nichishquiquin nan cushusharanon.

Ahuara chaca potacahuun. Ascatan futsafo sharahuacahuun. Futsafo fu isharapaicain fochishmanantananyamacahuun.

Chai nipapaiquin shara fustisi huafafaincahuun. Ahuara chaca huayamafain futsafo chani yoiyamacahuun. A yoia cuscan acoinpaicaquin.

Tsoan nocon Ifoan yonoa cuscan huamisifo ato cushusharamisi nan cufiainfo cuscan ato ashoshquin.

Non ichananon nocon Ifohuunoa yoisharashquin. Non yoiquin isca huanon, —Nocon Ifon Diosin fustitofin ahuamamishti huatiroquin. Nan fustitocai ahuashta chaca huamisima. Tsoa futsacai a cuscarama. Nan fusti fasi sharafinacoian, —ishon non yoinon.