Popular Bible Verses from Génesis 22

Share

Ascashon nanno anuni, —Non yopai cuscan Upa Diosin noco inanshquiran, —ishon anuni. Nantianri yoicani, —Nan machi Diosi ica arishon non yopai cuscan noco inantiroran, —ishon yoimisifo.

—Nan min furun fusti min noicoian, nan Isaac, Moriah mai ano iyotahuun. Nanno machi anoshon min facu ua rutushohuun. Ascashon min coatiro min ua nicacoinmisishaquin ua ismashquin. Min machi ano catiromainquin un mia tapimashquiran, —ishon Upa Diosin Abraham yoini.

—Min facu ahuusca huayamahuu. Natian mun mia tapia min Diosi nicacoin shara. Mia yoiai cuscan min aa. Nan min facu fusti min Diosi fishcoama. Min inanran, —ishon Diospan oinmatinin yoini.

Ascaiton Abraham cumani, —Uhuun facushta, Upa Diosin afin noco chashoanun facu inantiro non coanon non Diosi tanasharashon ismashquin, —ishon Abraham furun yoini. Ascatan nan rafu machi ano fonifo.

Un mia shara huashoshquin. Nan fishifo tsoancai tanan huatiroma. Mai furoricai tsoan tanan huatiroma. Nanscarifiai min funaforicai tsoan tanan huatiroma iishquin. Ratora yorafoan min caifo rutupai min funafoan atori shuhuitiro ato pushu rasi fiishquin atona inon. Min ua nicacoian. Ascan min funafohuunshon un nantifi manifotifo shara huashquiran,” —ishon Diosin Abraham yoini.

Ascano chipo Diosin Abraham ahuara yoini man icoinra huacoinnamainquin oinshquin. Ascashon cunani, “¡Abraham!” huaiton. —Unfin nunoquin, Ifon, —ishon cumani.

Ascafia samamashtacoin Diospan oinmati nan a fu nai muran icaton cunainifoanni, —¡Abraham! ¡Abraham! —huaiton. —Unfin nunoquin, —huaiton.

Ascaiton Diospan oinmati nan a fu nai muran icaton afanan Abraham cunani. —Abraham, nocon Ifo Diosin mia yoi isca huaquin, “Min facu fusti mian rutusho cuana uqui onon. Ascan uhuun anuhuunshon un mia yoi.

Ascano Diosin iqui huashoni ano nocoshon Abraham toquiri putsainini Diosin yononi cuscan huaquin. Nan toquiri putsamuinia camaqui caro machinini. Ascatan ahuun furun Isaac munushushon caro camaqui ratani.