Popular Bible Verses from Génesis 21

Share

Nan nocon Ifo Diosin yoiyoni cuscan Sara shara huani.

Ascan nan facurifi uaicaiton Upa Diosin nicani. Ascano Diospan oinmati a fu nai muran icaton nai muranshon Agar cunashon yoini isca huaquin, —¿Agar, min ahuuscaimun? Ratuyamahuu. Min facu nanno racashu uaicaiton Upa Diosin nica. Min facu nanno racashu uaicaiton funishon iyotahuun. Upa Diosin yoiquin isca hua, “Un min facuhuunshon un yora ichapa caihuairan,” ishon Upa Diosin yoia, —Diospan oinmatinin a fu nai muran imisiton Agar yoini.

Abraham anifoshtafiashon Sara facu nanumani. Upa Diosin yoiyoni Sarapan chipo facu nanushquin. Ascano postoashu furonanfacu cainni.

Ascashon Sarapan shinanni isca huaquin, —Tsoancai shinanmisima un facu nanuai Abraham furun iishquiai. Abraham anifoshtafiashon u futan furun aca. Ascan Diosin ua shuchimana cuscan arifi nicain shuchitiroforan, —ishon Sarapan shinanni.

Ascafia Diosin Abraham yoini isca huaquin, —Min furun yafi ahua nan min oinmatihuunoa ichapa shinanyamahuun. Min ahuin Sarapan mia yoiai cuscan nicahuun. Min furun Isaachuunshon un min funafo shara huashquin.

Ascafia min oinmati Agar furun Ismael min furunri. Ascan un ahuunshon mani futsa imairan, —ishon Diosin Abraham yoini.