Popular Bible Verses from Josuee 6

Share

Camarnujuanaari jiyacari naa Josuee sequereequij: —Janiyari Jericoo tiaca camarnu na soldadohuataja quia miaquejotenutaniyani.

Saniniuujia, puetunu niajaniyajanaa, niaa jaara borreeco nacaja tojiri tamaatia joneneshiyano, niocua jiyacari jiyanohua na jaacatare. Nia niquishuriiria tiaca shocua matacaari jiyacari jiyajeetanutaniya tamajaaja. Niocua jiyacari ritia nocua netecuatuquee puetunu cuno tiacajinia quijiacajanaa nia puecoonura.

Naacuatej, nio nia miiri: puetunu Israel miaquejonaa pueyajanaa cuaara camarucutaara Jericoo tiaca shocua. Niocua naa miiri seis juucatej, puetunu juucajanaa.

Naa Jericoo tiaca shocua nia camarucuneetasacaritij, quiocua Pueyaso quijia cojee patanaa tacoji pueratejore siete pueyacuara secojonaa. Nojori cuaara na pootusano borreeco nacaja jonenenuura Pueyaso quijia cojee patanaa nojori puetanuucua.

Jericoo tiaca tiootiuuri maninia mishiquiojosaaquiaari. Naacuatej, majaari pueya tohuareetanu quijia, majaari na tiuquiitianu quijiajuhuaj. Naa miitiuquiaariiri maja Israelcuajinio caneno pueya tiuquitianura nojoriicua, nojori na miaquejonura.

Jiyacaritij, pueyacuara secojonaa jaara tari jiyanohua jonenenuuquiaari Josueeri naa sequeree puetunu pueyajanaatej: —¡Jiyanohua nia jaacoonuure! Pueyasocuajaari tari nia paraa niaree nia juaashiquiajinia.

Nio nia niishiri cutara. Cuno tiacajinia quiniaa cuaara puecoosaaria puetunujuanaa, majaari quenaaja niquiriyatu curonu. Pueyasocuajaari naa cua sequeree pa miiniuria nojoritij. Niocua pocua taraajena Rahab jiyanoori cutara puetunu na tiaco quiniaa pueyatajanaa. Cuno paanatucuajaari nio tiaca manujunuucua pa jiyaramiquishano pueya jamojona.