Popular Bible Verses from Pakɔsje 36

Share

Némajije gə́ to mee kəi’g ləi rib-rib lé Meḛ dee ndan ne, Kəm-rəw-mán gə́ àr yal-yal lé ɓa I tɔl ne kunda lə dee tɔ.

Meekarabasur ləi to asəna gə mbalje lə Ala ləm, Rəwta-gaŋgje ləi to asəna gə ɓul manje ləm tɔ. Njesigənea̰, i nja gəd dəwje ləm, gə daje ləm tɔ.

Né gə́ to gə dɔ najee el lé Yeḛ la̰ji toree mée’g loo tée’g ləm, Rəw néra gə́ majel ɓa yeḛ aar keneŋ njaŋg ləma, Néra gə́ majel lé kara yeḛ ɔs rəw el ləm tɔ.

Njesigənea̰, meemaji ləi lé taa mee dara pəl-pəl ləm, Meenda londoŋ ləi to yaa̰ aw njal teḛ loo-kil’g lə ndi ləm tɔ.