Popular Bible Verses from Pakɔsje 37

Share

Nda məəi kaḭ dɔ Njesigənea̰’g ndá Yeḛ nja a kari né gə́ i ndiŋga ya.

Né gə́ a gə teḛ dɔi’g lé Ya̰ taree ji Njesigənea̰’g, Ɔm ne məəi dəa’g ndá Yeḛ nja a ra née.

Maji kari si mundu no̰ Njesigənea̰’g Ɓó gə unda ne məəi yel dəa’g ya, Yeḛ gə́ teḛkɔr rəw-kabeeje’g lé Ar məəi ḭ səi pu dəa’g el ləm, Yeḛ gə́ néra majelje gə́ yeḛ wɔji-kwɔji ra lé d’ɔr njal kara Ar məəi ḭ səi pu dəa’g el ləm tɔ.

Maji kari ɔm məəi dɔ Njesigənea̰’g ra ne né gə́ maji, Yee ɓa i a si ne mee ɓee’g ləm, a si ne lɔm ləm tɔ.

Njesigənea̰ lé ar gɔl dəw ŋgəŋ ŋgəŋ-ŋgəŋ ləm, Rea lelee dɔ rəw-kabee’g ləm tɔ. Ɓó lé debee neelé oso ndá a koso naŋg pal el Mbata Njesigənea̰ un jia ŋgəji gə́ tar ya.

Yeḛ a kar meekarabasur ləi nduba rəa gə́ raga Asəna gə lookàr bèe ləm, A kar nérai gə́ danasur lé nduba rəa gə́ raga Asəna gə kàr gə́ aar daŋdɔ bèe ləm tɔ.

Oŋg gə meekḭ jugugu lé uba dee ya̰ dee, Ar məəi ḭ səi pu el mbata to néra gə́ majel.

M’to basa saar m’ɓuga ne, Nɛ m’oo njemeekarabasur gə́ d’ubá d’yá̰ bèe el ləm, Esé m’oo ŋgakeaje to njéra ndooje ɓa Gə mba kiŋga ne nésɔ dee el ləm tɔ.

Maji kari ar məəi ḭ səi pu dɔ njémeeyèrje’g el ləm, Ra kəmkəḭ dɔ deḛ gə́ to njéra némajelje’g lé el ləm tɔ