Popular Bible Verses from 1 Ja̰ 5

Share

Ɓó lé jeḛ n’kwɔiyeeje né gə́ mée wɔji lé ndá jeḛ ndá ne meḛ sí kaḭ dəa’g ya mbata jeḛ n’gər gao yeḛ oo ndu sí.

Tɔɓəi ɓó lé jeḛ n’gər gao to gə́ yeḛ oo ndu sí dɔ né gə́ jeḛ n’kwɔiyee’g lé ndá jeḛ n’gər gao to gə́ jeḛ j’iŋga né gə́ jeḛ dəjee lé mba̰ tɔ.

Kaa dɔ godndia kər-kər lé yee ɓa gə́ meenoji gə́ ka̰ Ala ya. Godndiaje lé to né gə́ a ndɔji el mbata yeḛ gə́ rara gə́ Ala ojee lé ndá a dum dɔ loo gə́ naŋg nee, meekun lə sí ɓa j’a dum ne loo gə́ naŋg nee, kun ne baŋga.

Yeḛ gə́ nai gə Ŋgon lé ndá yeḛ si gə kəmə lé ya. Yeḛ gə́ nai gə Ŋgon-Ala el ndá yeḛ si gə kəmə lé el tɔ.

Ma m’ndaŋg ta néje neelé m’ar sí-seḭ gə́ ɔmje meḛ sí dɔ Ŋgon-Ala’g mba kar sí gərje gao, kəmə gə́ gə no̰ lé seḭ toje njeaje-je mba̰ ya.

Jeḛ n’gər gao, nana ɓa gə́ Ala ojee lé ra kaiya el, nɛ yeḛ gə́ Ala ojee lé aa rəa kər-kər ndá njetakori lé a koo loo gə mba kwá ne peb el tɔ.