Popular Bible Verses from 1 Ja̰ 4

Share

Meenoji lé ɓəl godo lée’g nɛ meenoji gə́ ɔr dɔ lé sané ɓəl kad. Mbata bo̰ néra dəw gə́ a gə kɔs təa’g lé ɓa aree ɓəl ne ndá yeḛ gə́ ɓəl lé to mbata meenoji ɔr dɔ mée’g el.

Ŋganəmje, seḭ lé seḭ toje ka̰ Ala ləm, seḭ dumje njéteggintaje gə́ ŋgɔm neelé ləm tɔ mbata yeḛ gə́ to meḛ sí’g lé ur dɔ yeḛ gə́ sí meḛ dəwje gə́ dɔ naŋg nee.

Jeḛ lé j’unda Ala dan kəm sí’g mbata yeḛ nja unda sí dan kəmee’g kédé gə́ dɔtar.

Seḭ gə́ m’unda sí dan kəm’g lé ar sí j’undaje na̰ dan kəm na̰’d mbata meenoji ḭ rɔ Ala’g ya. Nana ɓa gə́ unda maree dan kəmee’g lé ndá Ala nja ojee ləm, yeḛ kara gər Ala ləm tɔ.

Ɓó lé meenoji godo meḛ sí’g ndá Ala lé kara godo meḛ sí’g to mbata Ala to gə́ darɔ meenoji ya.

Aa ooje, rəw meenoji lə Ala lé ɓa nee: Jeḛ ɓa j’unda Ala dan kəm sí’g kédé el nɛ yeḛ nja ɓa unda sí dan kəmee’g ɓa ula Ŋgonee gə́ gəd-gəd aree ree tel nékinjaməs mbata kaiya lə sí ya.

Seḭ gə́ m’unda sí dan kəm’g lé ɓó lé Ala unda sí dan kəmee’g togə́bè ndá ar sí j’undaje na̰ dan kəm na̰’d togə́bè tɔ.

Ala ula Ŋgonee gə́ gəd-gəd kára ba aree ree naŋg nee mba kar sí j’isi ne kəmba, yee ɓa meenoji lə Ala gə mbata lə sí lé to ne raga pai-pai ya.

Ɓó lé dəw kára pana: Neḛ n’unda Ala dan kəm neḛ’g, nɛ yeḛ wa ŋgokea̰ gə mée ndá yeḛ to gə́ njeŋgɔm. Mbata ŋgokea̰ gə́ yeḛ ée gə kəmee ɓa yeḛ unda dan kəmee’g el, nɛ ɓəd ɓa see Ala gə́ yeḛ ée gə kəmee el ɓa a kundá dan kəmee’g loo gə́ ra’g wa.

Yeḛ gə́ təa teḛ pana: Jeju to Ŋgon-Ala lé ndá Ala nai mée’g ləm, yeḛ kara nai mee Ala’g ləm tɔ.

Godndu gə́ yeḛ nja un ar sí ɓa nee: Yeḛ gə́ unda Ala dan kəmee’g lé maji karee unda ŋgokea̰ dan kəmee’g nja tɔ.

Seḭ gə́ m’unda sí dan kəm’g lé ɔmje meḛ sí dɔ ndilje’g lai el, nɛ aḭje meḛ ndilje gə mba koo see d’ḭ rɔ Ala’g ya wa. Mbata njéteggintaje gə́ ŋgɔm bula d’unda loo teḛ mbuna dəwje’g dɔ naŋg nee. Aa ooje, né gə́ seḭ a gərje ne Ndil Ala lé ɓa nee: Ndil gə́ rara ɓa gə́ pana: Jeju Kristi ree gə́ darəa lé yeḛ gə́ pa togə́bè lé to gə́ ka̰ Ala ya.

Ndil gə́ rara ɓa gə́ pata wɔji ne dɔ Jeju togə́bè el ndá yeḛ to gə́ ka̰ Ala el ləm, yeḛ to ka̰ Njendaji Kristi, yeḛ gə́ seḭ ooje ta ree ləa mba̰ ɓa ar ɓasinè kara yeḛ si naŋg nee mba̰ ləm tɔ.