Popular Bible Verses from Apocalipsis 11

Share

Ruwuk ángel xuch'awisaj rutrompeta, y xetataj cowilaj tak kulaj quech'aw lo chila' chicaj, jewa' caquibi'ij: «Conoje tak ri tinamit che ruwachulew c'o chi puk'ab ri Dios Kajawxel y puk'ab Rucha'o'n lo Rire; yey wa takanic na jinta chi utakexic» quecha'.

E tak c'u ri tinamit che ruwachulew lic xpe coyowal chi'ij la. No'j wo'ora xopon ruk'ijol ri oyowal la, ri k'ij re cak'at la tzij paquiwi tak ri ecaminak. Caya c'u la ri rajil uc'axel chique ri k'alajisanelab e aj chac la cuc' ri jujun chic e c'o pak'ab la, ri lic caquilok'nimaj uk'ij ri bi' la, tob lic c'o quiwach o na jinta quiwach; yey casach c'u la quiwach ri' ri quesachaw quiwach tak ri winak wara che ruwachulew» quecha'.

Ri'in quebenutak bi ca'ib nuk'alajisanelab quicojom quik'u' lic tzac'an upa cha' caquitzijoj ri Nutzij oxib junab ruc' nic'aj.

Ec'uchiri' ic'owinak chi oxib k'ij ruc' nic'aj, ri Dios xuya chique wa ca'ib k'alajisanelab quebuxlabic y cac'oji' tanchi quic'aslem. Xeyactaj c'u ri' y xetaq'ui'ic. Y conoje ri xebilow que, xoc unimal xi'in ib cuc'.

Wa ca'ib k'alajisanelab ya'tal chique caquik'atej ri jab cha' na cu'an ta lo pa ruk'ijol echiri' quetajin che u'anic k'alajisanic; y ya'tal chique caqui'an quic' che tak ri ya' y caqui'an c'ax che ruwachulew ruc' uq'uiyal c'axc'obic janipa laj cacaj rique.

Wa' wa ca'ib k'alajisanelab e ri ca'ib che' re olivo y e ri ca'ib utzuc'ulibal ak' e c'o chwach ri Dios Kajawxel, ri catakan chwi ruwachulew. We c'o junok caraj cu'an c'ax chique, quel lo ak' pa quichi' rique y ruc' wa' quequicamisaj tak ri tzel quebilow que. Jec'ula' quecam ri cacaj caqui'an c'ax chique.