Popular Bible Verses from Apocalipsis 10

Share

Ma chupa c'u ri' ri k'ij echiri' ruwuk ángel cujek uch'awisaxic rutrompeta, ri Dios e cu'ana ri uch'obom lok y jela' cak'alajin ronoje rubi'im lo chique ri raj chac e k'alajisanelab» xcha'.

Y ri Jun xch'aw lo chwe chila' chicaj, jewa' xubi'ij chwe: «Lic chirajawaxic ca'an tanchi k'alajisanic puwi ri caquic'ulumaj ruq'uiyal tak tinamit, ruq'uiyal quiwach tak ri ticawex che ruq'uiyal uwach ch'a'temal y ruq'uiyal aj takanelab e c'o che ruwachulew» xcha chwe.

Tec'uchiri', xinwilo echiri' jun chic ángel lic c'o uchuk'ab xkaj lo chila' chicaj yey sututal rij ruc' sutz' y chwi rujolom c'o lo jun arco iris. Ec'u rupalaj lic cawonic jela' pacha' ri k'ij yey tak ri rakan lic cawonic pacha' jutak repaj ak'.

Xin'ec c'u ri'in ruc' ri ángel y xintz'onoj che cuya ri ralco jubotaj wuj chwe. Ec'u rire xubi'ij chwe: «Ji', chac'ama' y chatija bi. Ec'uchiri' c'o chi pachi' lic qui' cana'o pacha' ruwa'al cab, pero echiri' atijom chubi lic cu'an c'a chupa rapa» xcha chwe. Ri'in xinc'am c'u ri ralco jubotaj wuj c'o puk'ab ri ángel y xintij bi. Ec'uchiri' c'o chi pa nuchi', lic qui' jela' pacha' ruwa'al cab; pero echiri' nutijom chubi, lic xu'ana c'a chupa ri nupa.