Popular Bible Verses from 1 Timoteo 3

Share

Pakatzij wi lic nim uk'ij ri K'ijsak re ri Dios k'alajisam chikawach: E ri Kanimajawal Jesucristo xu'an ticawex echiri' xc'un che ruwachulew. Ronoje ri xu'ano y ri xubi'ij e lic jusuc' y ri Ruxlabixel ri Dios e xk'alajisan re wa'. Xilitaj cuma ri ángeles. Xtzijox rubi' chique ruq'uiyal quiwach tak ri ticawex che ruwachulew y e q'ui ri xquicoj rubi'. Yey xc'ul tanchi chila' chicaj ruc' yacbal uk'ij.

Pero lic chirajawaxic che juna aj c'amal quiwach rutinamit ri Dios e jusuc' rubinic usilabic cha' na jinta c'o cach'a'tiben re. E c'ola jusuc' ruc' ri rixokil, lic chuch'obo chi utz ri cu'ano, chuchajij rib chiribil rib cha' na catzak ta pa mac y chom quilitaj rubinic cuma ri jujun chic. Xaki chebuc'ulu chi utz tak ri quebopon chirocho, y c'ola una'oj che uc'utic Rutzij Upixab ri Dios.

Chu'ana ri sakil takanic pa rocho; chuc'utu c'u chique ri ralc'o'al cha' quebu'an e cojol tzij y jec'ula' quec'oji' chi jusuc'.

Ec'u rachi aj chac to'bel piglesia, lic chirajawaxic c'ola jusuc' ruc' ri rixokil y chu'ana sakil takanic paquiwi tak ri ralc'o'al y paquiwi conoje tak ri e c'o pa ri rocho. We cu'an c'u chi utz ruchac, catac'abax uk'ij chiquiwach ri ticawex y canimar uc'u'x che uk'alajisaxic ri cubulibal uc'u'x ruc' ri Kanimajawal Jesucristo.