Popular Bible Verses from 1 Timoteo 4

Share

Maya luwar che junok cuc'ak bi ak'ij ruma c'a at ala. E chac'utu ri lic ube chiquiwach ri quicojom rubi' ri Cristo, yey cha'ana wa' ruc' rach'a'tem, ruc' rabinic asilabic, ruc' ri rutzil ac'u'x, ruc' ri cubulibal ac'u'x y ruc' ri sakil ana'oj.

Ma we cakatij uk'ij cac'oji' uchuk'ab ri kacuerpo, utz c'u ri'; pero wa' xa jok'otaj cojuto'o. No'j we e cakaya kib che jun sakil binic silabic chwach ri Dios, wa' lic utz che ronoje, ma c'o cutikoj che ri kac'aslemal wak'ij ora y chikawach apanok.

Lic chachajij awib che rabinic asilabic y che uc'utic ri sakil c'utunic. Chachuk'ubej awib che u'anic tak wa', ma jela' ri'at y ri quetaw awe quixcolobetaj che ri k'atbal tzij re ri Dios.

Ri Ruxlabixel ri Dios uk'alajisam chi utz copon na ruk'ijol echiri' e c'o jujun ticawex caquiya can ri K'ijsak re ri Dios cha' caquitakej c'utunic petinak cuc' tak ri itzel uxlabixel e socoso'nel.

Matoc c'u il che tak ri ojer tzijobal na ruc' ta ri Dios petinak wi, ma wa' xa no'jibal que winak. E chatijoj awib che jun sakil binic silabic chwach ri Dios.

Xalok' c'u c'amaja' quinoponic, e chaya'a awib che rajilaxic Ruch'a'tem ri Dios y che u'anic pixabanic y c'utunic chiquiwach riglesia.