Popular Bible Verses from NA SAME 143

Share

Ni vakavulici au me'u cakava na nomuni lewa; ni sai kemuni na noqu Kalou: Sa yalololoma na Yalomuni; me tuberi au ko koya e na vanua dodonu.

Mo ni vakarogoya mai kivei au na nomuni loloma e na mataka; Ni'u sa vakararavi vei kemuni; Mo ni vakatakila vei au na sala me'u lako kina; Ni'u sa laveta cake na yaloqu vei kemuni.

Ni vakabulai au, Jiova, maivei ira na noqu meca: Au sa dro vei kemuni mo ni vunitaki au.

E na vuku ni yacamuni, Jiova, mo ni vakabulabulataki au: E na vuku ni nomuni yalododonu mo ni kauta tani na yaloqu mai na ka rarawa.

Ni rogoca na noqu masu, Jiova vaqara daligamuni ki na noqu kerekere: Mo ni vakarorogo vei au e na nomuni yalodina, kei na nomuni yalododonu.

Mo ni rogoci au vakusarawa, Jiova: sa ciba na yaloqu: Mo ni kakua ni vunia vei au na matamuni, De'u na vakataki ira era sa lako sobu ki nai bulubulu.

Au sa nanuma na gauna makawa; Au sa vakanananu ki na nomuni cakacaka kecega; Au sa vakanananu vakalevu ki na cakacaka ni ligamuni.