Popular Bible Verses from NA VOSA VAKAIBALEBALE 12

Share

Ni sa bibi na loma ni tamata sa vakacuva: Ia na vosa vinaka sa vakamarautaka.

O koya sa vinakata ni vakavulici sa vinakata na vuku: Ia ko koya sa cata ni vunauci sa druma.

Sa dua sa vosa me vaka sa suaka e nai seleiwau: Ia na yamedra na vuku sa ia na veivakabulai

A nona sala na tamata lialia sa ka dodonu e matana: Ia ko koya sa muria na ka e vakavulici kina sa vuku.

Sa kilai sara ga na nona cudru na tamata lialia: Ia sa vunia na madua ko koya sa yalomatua.

Na yalewa yalovakamarama sai sala talei vua na watina: Ia ko koya sa ia na veivakamaduataki sa vaka nai vakavuca ni suina.

A ka vakasisila vei Jiova na tebenigusu lasu: Ia ko ira sa dina na nodra cakacaka sa rekitaka ko koya.

Na tamata yalododonu sa tubera vakavinaka na kai nona: Ia na nodra i valavala na tamata ca sa vakacalai ira.

Na tebenigusu dina ena vakataudeitaki ka tawa mudu: Ia sa dede vakalailai ga na yame daulasu.