Popular Bible Verses from NA VOSA VAKAIBALEBALE 11

Share

A daulomasoli ena vakamamautaki: Ia ko koya sa vagunuva na tani ena vagunuvi talega ko koya.

Sa dua sa duibiubuita, ka sa tubu ga me levu; Sa dua talega sa maninitaka na ka ni sa sega ni dodonu, ka sa tubu ga kina na dravudravua.

Ni sa tubu mai na viavialevu, sa qai tubu talega na madua: Ia sa tu vei ira na yalomalumalumu na vuku.

Ni sa sega na bose vuku, ena ca na tamata: Ia sa na yaco na tiko vinaka ni sa lewe vuqa na daubose.

A ka sa vuataka ko koya na yalododonu sa dua na kau ni bula, Ko koya talega sa rawa na yalo sa vuku.

Ko koya sa lako voli ka daukakase sa tukuna tiko na ka e vuni tu: Ia ko koya sa yalodina e sega ni dautukuna na ka.

A tamata yalololoma sa caka vinaka ki na yalona: Ia sa vakararawataka na yagona dina ko koya na lomaqa.

O koya sa vakararavi e na nonai yau ena bale: Ia na yalododonu era na bulabula me vaka na taba ni kau.

Sa sega ni yaga nai yau e na siga ni cudru: Ia nai valavala dodonu sa ia na veivakabulai mai na mate.

A nodra lomadina na yalododonu ena tuberi ira: Ia na nodra yaloveve na talaidredre ena vakarusai ira.

Me vaka na mama koula e na ucu ni vuaka, Sa vakakina na yalewa matavinaka sa sega ni yalomatua.

Ai vakarau lasu sa ka vakasisila vei Jiova: Ia nai vakabibi dodonu na ka e vinakata ko koya.