Popular Bible Verses from NA VOSA VAKAIBALEBALE 13

Share

Ena vuku mai ko koya sa malele vata kei ira na vuku: Ia ko koya era veitokani vata kei na lialia ena rusa.

O koya sa qarauna na gusuna sa maroroya na nona bula: Ena rusa ga ko koya sa dalaga sara na tebenigusuna.

O koya sa sega ni vakanakuitataka na luvena sa cati koya: Ia ko koya sa lomani koya sa vakanakuitataka ni sa gone.

Ni vakaberaberataki na ka sa nuitaki tiko sa dau oca kina na yaloda: Ia sa kau ni bula ni sa rawa tu na ka e domoni.

A nonai valavala dodonu na tamata dodonu sa maroroi koya e na sala: Ia na nona caka ca na tamata ca sa vukici koya.

Ai yau sa rawa wale tu ena vakalailaitaki: Ia ko koya sa rawata e na dautara ka ena vakalevutaki.

A yaloviavialevu ga sa tubu kina na veileti: Ia ko ira sa vakavulici vinaka sa nodra ga na vuku.

A tamata vinaka sa tataunaka na ka me ra taukena ko ira na makubuna: Ka sa maninitaki me nona na yalododonu nai yau ni tamata i valavala ca.

A gone vuku sa rogoca nai vakavuvuli i tamana: Ia ko koya na dauveivakalialiai sa sega ni rogoca ni sa vunauci.

A dausiga kei na madua ena nona na tamata sa bese ni vakavulici: Ia ko koya sa muria na vunau ena dokai.