Popular Bible Verses from JOSUA 6

Share

A sa kaya vei Josua ko Jiova, Raica, au sa soli Jeriko ki na ligamu, kei na kena tui, kei na kena tamata i valu qaqa.

Ia ni ratou sa uvuca vakadede na davui vakajupeli, ka kemuni sa rogoca na domo ni davui, era na qai kailavaka na kaila levu na tamata kecega, ia ena qai vale sara na bai ni koro, ka ra na lako cake na tamata yadua e na tikina sa dui donui koya.

Ia mo ni vakavolivolita na koro, koi kemuni kece na tamata i valu, mo ni lako volita vakadua: ka mo ni kitaka vakakina ka bogi ono.

Ia me ratou kauta na davui vakajupeli e vitu ko iratou na bete e le vitu, ka me ra liutaka na kato: ia e na kenai kavitu ni siga ni dou na volita vakavitu na koro, ia eratou na uvuca lako na davui ko iratou na bete.

A sa buku matua na druadrua ki Jeriko ko ira na Isireli; sa sega e curu yani, ka sega e curu mai.

Ia e na kenai kavitu ni lakolako, ni sa uvuca tiko na davui ko iratou na bete, sa qai kaya ko Josua kivei ira na tamata, Ni kaila; ni sa solia vei kemuni na koro ko Jiova

ia ena lesi me vakarusai e na vuku i Jiova na koro, kei na ka kecega sa tiko kina; ko Reapi duaduaga na yalewa dautagane e na bula, o koya kei ira kece sa tiko kaya e vale, ni sa vunia ko koya nai talaki eda a tala yani