Popular Bible Verses from AISEA 26

Share

Ko koya sa lomadei vei kemuni ko ni na vakacegui koya dina sara: ka ni sa vakararavi vei kemuni.

Dou vakararavi vei Jiova ka sega ni mudu, ni sa uluvatu e sega ni oti rawa na TURAGA ko JIOVA.

E na vu ni lomaqu ka'u sa gadrevi kemuni e na bogi; io, e na vu ni yaloqu ka'u sa qarai kemuni e na mataka: ia ni kemuni sa cudruvi vuravura, era na qai vulica nai valavala dodonu na lewe i vuravura.

Kemuni Jiova, ko ni na lewa me neimami na vakacegu: ni kemuni sa cakava kecega vei keimami na cakacaka me yaga vei keimami.

Io, e na sala ni nomuni lewa dodonu, Jiova, keimami a waraki kemuni; sa gadreva na yacamuni na yalo i keimami, kei na ka ko ni sa nanumi kina.

A nodra sala na yalododonu sa dodonu sara: koi kemuni, na Yalododonu sara, ko ni na vakadodonutaka na nodra sala na yalododonu.

Ni sa vakabalei ira sobu ko koya era a tiko e cake; sa biuta sobu na koro cecere; sa biuta sobu sara ki na qele; sa vakabalea ki na kuvu-ni-soso.

Dou dolava na matamata-ni-koro, me curu kina na matanitu yalododonu sa taura tiko na dina.