Popular Bible Verses from AISEA 25

Share

Kemuni Jiova, ko ni sa noqu Kalou; au na vakalevulevui kemuni, au na vakavinavinaka ki na yacamuni; ni kemuni sa cakava oti na ka mana; na nomuni lewa makawa sa dei ka dina ga.

Ena vakaotia sara na mate ko koya; ia na Turaga ko Jiova ena tavoya na wai ni mata mai na matadra na tamata kecega; kei na nodra vakalialiai na nona tamata ena kauta tani ko koya mai na dela i vuravura taucoko: ni sa tukuna ko Jiova.

A ra na qai kaya e na siga ko ya, Raica, oqo na noda Kalou, eda a waraki koya, ena vakabulai keda ko koya: oqo ko Jiova, eda a waraki koya; eda na reki ka marau ni sa ia na veivakabulai ko koya.

Ia e na ulu-ni-vanua oqo ena vakaotia ko koya nai tutuvi ni mata sa ubi kina na veimataqali kecega, kei na pulou sa tabonaki kina na veimatanitu kecega.

Ia e na ulu-ni-vanua oqo ena cakava ko Jiova ni lewe vuqa vei ira na veimatanitu kecega, e dua na magiti e na ka e uro, na magiti ni waini makawa, e na ka e uro ka vakautona, e na waini makawa ka makare sara.