Popular Bible Verses from NA DAUVUNAU 1

Share

Ni sa levu na vuku sa levu kina na rarawa: ia ko koya sa vakaikuritaka na vuku sa vakaikuritaka na rarawa.

A ka sa tiko eliu, sai koya ga ena tiko maimuri; kei na ka sa caka eliu sai koya ga ena caka maimuri: ka sa sega na ka vou e ruku ni mata-ni-siga.

Sa levu na oca e na ka kecega; sa dredre vua na tamata me tukuna: sa sega ni mamau na matada ni da sa raica, se na daligada ni da sa rogoca.

Sa kaya na Dauvunau, Sa ka wale sara! sa ka wale sara! sa ka wale na ka kecega! A cava na kena yaga vua na tamata na nona cakacaka kecega sa cakava e ruku ni mata-ni-siga?

Au sa raica oti na cakacaka kecega sa caka e ruku ni mata-ni-siga; ka raica, sa ka wale kecega kei na ka ni ocaoca wale.

Sa lako yani e dua nai tabatamata, ka sa lako mai e dua tani tale nai tabatamata: ia ko vuravura sa tu ga ka sega ni mudu.

Sa sega ni nanumi na ka makawa; ia na ka sa na tubu emuri era na sega ni nanuma kina ko ira era na muri mai.

Ia ka'u a solia na yaloqu me'u kila nai valavala vuku, kei nai valavala lialia ka sesewa: ka'u sa kunea ni sa ka ni oca wale na ka talega oqo