Popular Bible Verses from 2 KORINICA 5

Share

Ia kevaka sa tu vata kei Karisito e dua na tamata, sa qai buli vou: sa lako tani na veika makawa; raica, sa yaco me vou na ka kecega.

O Koya sa sega vua na cala sa qisia ko koya mei soro ni nodai valavala ca; me vakayacori kina vei keda na veivakadonui ni Kalou e na vukuna.

(Keitou sa lako voli e na vakabauta, ka sega ga e na raica:)

A sa vu mai vua na Kalou na ka kecega, o koya sa vakaveivinakatitaki keda kei koya e na vuku i Karisito, a sa solia vei keitou me keitou vunautaka na veivinakati; me vakaoqo, sa ia na Kalou, me vakaveivinakatitaki vuravura vei koya ga e na vuku i Karisito, ka sa sega ni wilika vei ira na nodra i valavala ca; ka sa solia vei keitou nai tukutuku ni veivinakati.

Keitou sa yaco kina mei talatala i Karisito, me vaka sa vakamasuti kemudou na Kalou e na gusu i keitou: keitou nai sosomi kei Karisito, keitou sa vakamamasu, mo dou veivinakati kei na Kalou.

ka sa mate ko koya e na vuku ni tamata kecega, me ra kakua ni bula tiko me yaga vei ira ga, ko ira era sa bula, me ra yaga ga vua sa mate e na vukudra ka tu cake tale. O koya oqo keitou sa qai sega tale ni doka e dua na tamata e na vuku ni ka vakayago; e dina ga keitou a dokai Karisito e na vuku ni ka vakayago, ia keitou sa qai sega tale ni dokai koya kina.

Ni sa rawai keitou sara na loloma i Karisito: ni keitou sa lewa vakaoqo, kevaka sa mate e dua e na vuku ni tamata kecega, era sa mate kecega