Popular Bible Verses from 2 KORINICA 4

Share

ni da sa sega ni vakananuma tiko na veika sa rairai mai, na veika ga sa sega ni rairai mai; ni sa dede vakalailai ga na veika sa rairai mai; ia sa sega ni mudu na veika sa sega ni rairai mai.

E na vuku ni ka oqo keitou sa sega ni datuvu kina; ia kevaka sa rusa mai na yagoda esau, sa vakavoui na tamata eloma e na veisiga kecega. Ia na noda rarawa mamada, sa dede vakalailai sara ga, sa vakayacora vei keda na serau levu sa uasivi cake vakalevu sara, ka tawa mudu

Sa buku na druadrua, ia keitou sa sega ni drigiti; keitou sa lomaocaoca ga, ia keitou sa sega ni yalolailai; keitou sa vakacacani, ia keitou sa sega ni biu laivi; keitou sa vakabalei sobu, ia keitou sa sega ni vakarusai

Ia sa waqa qele sa tu kina vei keitou nai yau oqo, me sa taka mai vua na Kalou na kaukauwa mana levu, ka me segai maivei keitou.

vei ira sa vakamatabokotaka na lomadra na kalou ni vuravura oqo, era sa sega ni vakabauta, me kakua kina ni cilavi ira na rarama ni tukutuku-vinaka ni serau i Karisito, o koya ga na yaloyalo ni Kalou.

Ni sai koya na Kalou, o koya sa kaya eliu me cila mai na butobuto na rarama, sa cila mai ki na loma i keitou, me cila yani kina na serau ni Kalou, o koya sa vakatakilai rawa e na mata i Jisu Karisito.