Popular Bible Verses from 1 PITA 3

Share

ia dou vakarokorokotaka na Turaga na Kalou e na yalomudou: ka mo dou vakarau tiko mo dou tukuna vua na tamata yadua sa tarogi kemudou, na vu ni nuinui sa tu e na lomamudou e na yalomalumalumu kei na rere: me vinaka ga na nomudou lewa-eloma; me yaco kina, ni ra sa vosavakacacataki kemudou, me vaka dou sa tamata caka ca, me ra kana madua ko ira era sa beitaka vakailasu na nomudou i valavala vinaka vei Karisito.

Ni sa wanonovi ira na tamata yalododonu na mata ni Turaga, Ka sa qara tu na daligana ki na nodra masu; Ia sa dua tani na mata ni Turaga vei ira sai valavala ca.

Ia me kakua ni nomudou nai ukuuku e taudaku, na tali drau ni ulu, kei nai ukuuku koula, kei na sulumaka nai sulu; ia na ka vakayalo ga sa vuni, e na ka sa sega ni vuca rawa, na yalomalumalumu kei na yalomalua, oqori sa ka talei sara e na mata ni Kalou.

Ia Ko koya sa vinakata na bula, Ka sa via raica na gauna vinaka, Me tarova na yamena mai na ca, Kei na tebenigusuna me kakua ni vosataka na ka lasu: Me lesu tani mai na ca ko koya, ka kitaka na ka vinaka; Me vakasaqara na vakacegu, ka muria sara.

Ia meu tinia, dou lomavata kecega, dou ia na loloma vakai kemudou, dou veilomani me vaka na veitacini, dou yalololoma, dou lokomi: kakua ni veisausaumitaka na ca, se ia tale na veivakasewasewani; ia dou dua tani, dou vosavakalougatataka ga: ni dou sa kacivi me vakakina, mo dou rawata na ka e veivakalougatataki

Ia ko cei ena vakacacani kemudou, kevaka dou gumatua e na ka vinaka?

Me lesu tani mai na ca ko koya, ka kitaka na ka vinaka; Me vakasaqara na vakacegu, ka muria sara.

Ni sa vinaka, kevaka sa loma ni Kalou me vakakina, mo dou vakararawataki e na vuku ni caka vinaka, ka me kakua e na vuku ni caka ca.