Popular Bible Verses from 1 PITA 2

Share

Ia koi kemudou nai tabatamata digitaki, a matabete vakaturaga, a matanitu yalosavasava, a tamata sa taukena na Kalou, mo dou vakaraitaka kina na nona vinaka sara o koya ka kacivi kemudou mai na butobuto ki nona rarama e veivakurabuitaki

o koya ga vakai koya ga ka colata na nodai valavala ca e na yagona e na kauveilatai, me da mate tu ki nai valavala ca, ka ia nai valavala dodonu e na noda bula: ia sa we ni kena kuita dou sa vakabulai kina. Ni dou a vakataki ira na sipi sa sese: ia dou sa qai saumaki tale vua nai vakatawa o koya sa vakaraica na yalomudou.

oi kemudou ka sega ni tamata taukeni eliu, ia dou sa qai tamata ni Kalou: dou a sega ni lomani eliu, ia dou sa qai lomani.

mo dou vaka na gone sa qai sucu, mo dou gadreva nai vakavuvuli sa vaka na wai-ni-sucu dina, mo dou tubu cake kina

Oi kemudou sa lomani, au sa vakamasuti kemudou, ni dou sa vakataki ira na vulagi kei ira era dauveilakoyaki, mo dou tarovi kemudou mai na gagadre ca ni yago, sa veivala kei na yalo; me dodonu na nomudou i valavala e na kedra maliwa era sa sega ni lotu: me ka oqori era vakarokorokotaka kina na Kalou e na siga ni veilakovi, e na vuku ni valavala vinaka era na raica, ko ira era sa dauvosavakacacataki kemudou me vaka ni dou sa tamata caka ca.

oi kemudou talega, me vaka dou sa veivatu bulabula, dou sa tara cake mo dou vale vakayalo, me matabete yalosavasava, mo dou cabora kina nai madrali vakayalo, sa vinaka vua na Kalou e na vuku i Jisu Karisito.

O koya oqo ni dou sa biuta tani kina na lomaca kecega, kei na daulawaki kecega, kei na dauveivakaisini kei na dauvuvu, kei na dauveivosavakacacataki kecega

Ni dou sa lako mai kivei koya, me vaka ki na vatu bulabula, ko ya sa biuta ko ira na tamata, ia na Kalou sa digitaka, a sa talei

mo dou vakataki ira era lalaga, ia dou kakua ni cakava na nomudou lalaga me vuni kina na lomaca, ia dou vaka ga na tamata ni Kalou.

Ni sai koya na loma ni Kalou, mo dou vagaluya e nai valavala vinaka na nodra sesewa na tamata lialia