Popular Bible Verses from 1 VEIGAUNA 29

Share

I Jiova, ko sa cecere, sa nomuni ga na kaukauwa, kei na lagilagi, kei na gumatua, kei na ka vakaturaga: ni sa nomuni ga na ka kecega mai lomalagi, kei vuravura; sa nomuni na matanitu, kemuni Jiova, ia ko ni sa cecere cake me ulu ni ka kecega.

Ia sa taka maivei kemuni nai yau kei na vakarokoroko, a sa yaco na nomuni lewa ki na ka kecega; a sa tiko e ligamuni na kaukauwa kei na qaqa, sa rawarawa talega ki na ligamuni me vakalevulevuya na tamata kece, ka vakaukauwataka.

Ia ko cei koi au, se ko cei ko ira na noqu tamata, me rawarawa kina vei keimami me soli ka e na yalo e vinakata vakaoqo? ni sa taka maivei kemuni na ka kecega, ka sa nomuni ga na ka keimami sa solia vei kemuni.

Ia oqo, na neimami Kalou, keimami sa vakavinavinaka vei kemuni, ka seretaka na yacamuni sa vakarokorokotaki.

A sa ia na vakavinavinaka kivei Jiova ko Tevita e na matadra na soqoni taucoko, ka sa kaya ko Tevita, Mo ni kalougata tiko, koi kemuni Jiova na Kalou i Isireli na tama i Keimami, ka tawa mudu.