Popular Bible Verses from 2 VEIGAUNA 1

Share

Mo ni solia mai kivei au na vuku kei na yalomatua, me'u curu yani ka curu tale mai e matadra na tamata oqo: ni sa rawarawa vei cei me lewai ira na nomuni tamata oqo era sa lewe vuqa?

A sa kaya vei Solomoni na Kalou, Ni sa tiko e lomamu na ka oqo, ia ko sa sega ni kerea nai yau, se na kamunaga, se na vakarokoroko, se na nodra mate na nomu meca, ko sa sega talega ni kerea na bula dede; ia ko sa kerea ga me nomu na vuku kei na yalomatua, mo lewai ira kina na noqu tamata, ko ira ka'u sa lesi iko kina mo nodra tui: sa soli vei iko na vuku kei na yalomatua; ka'u na solia talega vei iko nai yau, kei na kamunaga, kei na vakarokoroko, sa sega ni rawata me vakakina, e dua na tui sa bula eliu ena sega talega ni vakakina e dua sa muri iko.

E na bogi ko ya sa rairai kivei Solomoni na Kalou, ka kaya vua, Mo kerea na ka me'u solia vei iko.