Popular Bible Verses from يَعْقُوب 5

Share

فِي شَانْ دَا، أَعْتَرُفُوا بِذُنُوبْكُو أَمْبَيْنَاتْكُو وَ أَسْأَلَوْا اللّٰهْ أَمْبَيْنَاتْكُو أَشَانْ يَشْفِيكُو. دُعَا هَنَا نَادُمْ صَالِحْ عِنْدَهْ قُدْرَةْ شَدِيدَةْ.

كَنْ نَادُمْ وَاحِدْ مِنْكُو تَعْبَانْ، خَلِّي يَسْأَلْ اللّٰهْ. وَ كَنْ نَادُمْ فَرْحَانْ، خَلِّي يَشْكُرْ اللّٰهْ بِغِنَيْ.

وَ الصَّلَاةْ الْقَدَّمَوْهَا بِالْإِيمَانْ تِنَجِّي الْمَرْضَانْ. وَ رَبِّنَا يَشْفِيهْ وَ كَنْ عِنْدَهْ ذُنُوبْ كُلَ، هُو يَغْفِرْ لَيَّهْ.

وَ كَنْ نَادُمْ مِنْكُو مَرْضَانْ، خَلِّي يِنَادِي كُبَارَاتْ جَمَاعَةْ الْمُؤمِنِينْ أَشَانْ يَجُوا يَمْسَحَوْا رَاسَهْ بِدِهِنْ بِأُسُمْ الرَّبّ وَ يَسْأَلَوْا لَيَّهْ اللّٰهْ.

أَعَرْفُوا كَدَرْ النَّادُمْ الْقَبَّلْ أَخُوهْ مِنْ الدَّرِبْ الْهَوَانْ دَا، هُو نَجَّاهْ مِنْ الْهَلَاكْ. وَ فِي شَانْ دَا، اللّٰهْ يَغْفِرْ لِلْمُذْنِبْ ذُنُوبَهْ الْكَتِيرِينْ.