Popular Bible Verses from يَعْقُوب 4

Share

فِي شَانْ دَا، أَسْمَعَوْا كَلَامْ اللّٰهْ وَ أَقِيفُوا ضِدّ إِبْلِيسْ وَ إِبْلِيسْ يَجْرِي بَعِيدْ مِنْكُو.

تَعَالُوا قَرُّبُوا لِلّٰهْ وَ اللّٰهْ يِقَرِّبْ لَيْكُو. إِنْتُو الْمُذْنِبِينْ، نَضُّفُوا إِيدَيْكُو مِنْ الذَّنِبْ. إِنْتُو الْقَلِبْكُو إِتْنَيْن، طَهُّرُوا نُفُوسْكُو.

مَسْكُنُوا نُفُوسْكُو قِدَّامْ اللّٰهْ وَ خَلَاصْ، هُو يَرْفَعْكُو.

النِّعْمَةْ الْاللّٰهْ يَنْطِيهَا لَيْنَا كَبِيرَةْ زِيَادَةْ. وَ أَشَانْ دَا، الْكِتَابْ بُقُولْ: <اللّٰهْ يُقُمّ ضِدّ النَّاسْ الْيِسْتَكْبَرَوْا لَاكِنْ هُو يَنْطِي نِعْمَةْ لِلنَّاسْ الْيِمَسْكُنُوا نُفُوسْهُمْ.>

وَ كَنْ نَادُمْ يَعَرِفْ الْخَيْر الْوَاجِبْ يِسَوِّيهْ وَ مَا يِسَوِّيهْ، هُو بِقِي مُذْنِبْ.

وَ كَنْ تَسْأَلَوْا كُلَ، مَا تَلْقَوْا شَيّءْ أَشَانْ نِيِّتْكُو مَا عَدِيلَةْ وَ إِنْتُو تَسْأَلَوْا لِشَهْوَاتْكُو بَسْ.

إِنْتُو شَعَبْ مُنَافِقِينْ! مَا تَعَرْفُوا كَدَرْ النَّاسْ الْيِحِبُّوا الدُّنْيَا عُدْوَانْ اللّٰهْ؟ وَ النَّادُمْ الْيِحِبّ الدُّنْيَا سَوَّى نَفْسَهْ عَدُو اللّٰهْ.

وَ لَاكِنْ إِنْتُو مَا تَعَرْفُوا شُنُو الْيُكُونْ لَيْكُو أَمْبَاكِرْ. حَيَاتْكُو مِثِلْ الدُّخَّانْ الْيُقُمّ وَ طَوَّالِي بَسْ يَبْقَى مَا فِيهْ.