Popular Bible Verses from جامِعة 3

Share

لِكُلَّ شَيّءْ فِي زَمَنْ وَ لِكُلَّ شَيّءْ تِحِتْ السَّمَاءْ، فِي وَكِتْ مُنَاسِبْ.

فِي وَكِتْ لِلْوَالُودَةْ وَ فِي وَكِتْ لِلْمَوْت. فِي وَكِتْ لِلْمَقِّنِينْ وَ فِي وَكِتْ لِمَلِّطِينْ الْمَقَنْ. فِي وَكِتْ لِلْكَتِلْ وَ فِي وَكِتْ لِلشِّفَاءْ. فِي وَكِتْ لِلْهَدِّمِينْ وَ فِي وَكِتْ لِلْبُنَى.

فِي وَكِتْ لِلْبَكِي وَ فِي وَكِتْ لِلضِّحِكْ. فِي وَكِتْ لِلنُّوَاحْ وَ فِي وَكِتْ لِلِّعِبْ. فِي وَكِتْ لِزَرِّقِينْ الْحُجَارْ وَ فِي وَكِتْ لِلَمِّينْ الْحُجَارْ. فِي وَكِتْ لِلْمُحَاضَنَةْ وَ فِي وَكِتْ لِخَلِّيِينْ الْمُحَاضَنَةْ.

فِي وَكِتْ لِلشَّرِّطِينْ وَ فِي وَكِتْ لِلْخِيَاطَةْ. فِي وَكِتْ لِلسُّكُوتْ وَ فِي وَكِتْ لِلْحِجَيْ. فِي وَكِتْ لِلْمَحَبَّةْ وَ فِي وَكِتْ لِلْكَرَاهِيَّةْ. فِي وَكِتْ لِلْحَرِبْ وَ فِي وَكِتْ لِلسَّلَامْ.

فِي وَكِتْ لِلْفَتِّشِينْ وَ فِي وَكِتْ لِلْوَدِّرِينْ. فِي وَكِتْ لِلْحَفَضَانْ وَ فِي وَكِتْ لِلزَّقَلَانْ.

وَ أَنَا نَعَرِفْ كُلَّ شَيّءْ السَّوَّاهْ الرَّبّ دَا دَايِمْ. مَا فِي الْيَنْقُصَهْ وَ لَا يِزِيدَهْ. وَ الرَّبّ سَوَّى كُلَّ شَيّءْ أَشَانْ يَخَافَوْا مِنَّهْ.

وَ أَنَا قُلْت فِي نَفْسِي: «الرَّبّ يِحَاسِبْ الصَّالِحْ وَ الْعَاصِي كُلَ أَشَانْ لِكُلَّ شَيّءْ فِي وَكِتْ مُنَاسِبْ وَ كُلَّ عَمَلْ بِوَكْتَهْ.»