Popular Bible Verses from جامِعة 2

Share

أَشَانْ الرَّبّ يَنْطِي الْحِكْمَةْ وَ الْمَعْرَفَةْ وَ الْفَرَحْ لِلنَّادُمْ الْعَدِيلْ قِدَّامَهْ. وَ لَاكِنْ لِلْمُذْنِبْ، الرَّبّ يَنْطِيهْ شَغَلَةْ هَنَا فَتِّشِينْ وَ لَمِّينْ لِيِجِيبَهْ وَ يَنْطِيهْ لِلنَّادُمْ الْعَدِيلْ قِدَّامْ الرَّبّ. وَ دَا كُلَ زَايِلْ سَاكِتْ مِثِلْ الْجَرِي وَرَاءْ الرِّيحْ.

وَ الْعَدِيلْ لِلْإِنْسَانْ يَاكُلْ وَ يَشْرَبْ وَ يِشِيفْ الْحَلُو فِي خِدِمْتَهْ. وَ أَنَا شِفْت دَا كُلَ يَجِي مِنْ الرَّبّ. وَ بَلَا إِذِنْ الرَّبّ، يَاتُو يَقْدَرْ يَاكُلْ وَ يِتْمَتَّعْ فِي حَيَاتَهْ؟

وَ أَنَا فَكَّرْت لِكُلَّ شَيّءْ السَّوَّوْه إِيدَيْنِي، فَكَّرْت لِلْخِدْمَةْ التِّعِبْت فَوْقهَا. وَ دَا كُلَ زَايِلْ سَاكِتْ مِثِلْ الْجَرِي وَرَاءْ الرِّيحْ وَ مَا عِنْدَهْ فَايْدَةْ فِي الْأَرْض.

أَنَا شِلْت كُلَّ الشَّيّءْ الْوَقَعْ فِي عَيْنِي وَ مَا أَبَيْت أَيِّ شَيّءْ الْيِفَرِّحْ قَلْبِي. أَيْوَى، قَلْبِي فِرِحْ بِكُلَّ خِدِمْتِي. وَ دَا بَسْ قِسْمِي اللِّقِيتَهْ مِنْ كُلَّ خِدِمْتِي دِي.

دَاهُو الْأَنَا عِرِفْتَهْ. الْحِكْمَةْ عِنْدَهَا فَايْدَةْ زِيَادَةْ مِنْ الطَّمَاسَةْ مِثِلْ النُّورْ عِنْدَهْ فَايْدَةْ زِيَادَةْ مِنْ الضَّلَامْ.

الْحَكِيمْ يِشِيفْ بَعِيدْ وَ الْمَطْمُوسْ يُرُوغْ فِي الضَّلَامْ. وَ لَاكِنْ بَيْدَا كُلَ، أَنَا نَعَرِفْ كَدَرْ نَفْس الشَّيّءْ يُكُونْ لَيْهُمْ هُمَّنْ الْإِتْنَيْن.

أَشَانْ فِي نَادُمْ خَدَمْ بِحِكْمَةْ وَ مَعْرَفَةْ وَ نَجَاحْ. وَ بَيْدَا كُلَ، دَاهُو يَنْطُوا نَتِيجَةْ خِدِمْتَهْ لِنَادُمْ الْمَا خَدَمْ شَيّءْ! وَ دَا كُلَ زَايِلْ سَاكِتْ وَ دِي مَصِيبَةْ كَبِيرَةْ.