Popular Bible Verses from تَثْنِية 7

Share

وَ بَيْدَا، تَعَرْفُوا تَمَامْ كَدَرْ اللّٰهْ إِلٰـهْكُو، هُو بَسْ الرَّبّ. وَ هُو صَادِقْ وَ يَحْفَضْ مُعَاهَدَتَهْ وَ خَيْرَهْ لِأَلِفْ ذُرِّيَّةْ. وَ دَا، لِلنَّاسْ الْيِحِبُّوهْ وَ يِطَبُّقُوا وَصِيَّاتَهْ.

أَشَانْ إِنْتُو شَعَبْ مُخَصَّصِينْ لِلّٰهْ إِلٰـهْكُو وَ اللّٰهْ إِلٰـهْكُو عَزَلَاكُو مِنْ كُلَّ الشُّعُوبْ الْقَاعِدِينْ فِي الْأَرْض لِتَبْقَوْا شَعَبَهْ حَلَالَهْ.

أَشَانْ اللّٰهْ يِحِبُّكُو بَسْ، هُو حَفَضْ الْحَلِيفَةْ الْحَلَفْ بَيْهَا لِجُدُودْكُو. وَ فِي شَانْ دَا بَسْ، هُو مَرَقَاكُو بِإِيدْ شَدِيدَةْ وَ فَدَاكُو مِنْ إِيدْ فِرْعَوْن مَلِكْ مَصِرْ بَلَدْ الْعُبُودِيَّةْ.

وَ اللّٰهْ حَبَّاكُو وَ عَزَلَاكُو مَا أَشَانْ إِنْتُو كَتِيرِينْ مِنْ كُلَّ الشُّعُوبْ الْآخَرِينْ. لَا! إِنْتُو بَسْ الشِّيَّةْ.

وَ إِنْتُو تَبْقَوْا مُبَارَكِينْ زِيَادَةْ مِنْ كُلَّ الشُّعُوبْ الْآخَرِينْ وَ فِي لُبُّكُو، مَا فِي رَاجِلْ وَ لَا مَرَةْ عَاقْرَةْ وَ مَا فِي بَهِيمَةْ عَاقْرَةْ فِي لُبّ بَهَايِمْكُو.