Popular Bible Verses from 2 تِمُوتَاوُس 2

Share

أَعَصِرْ قَلْبَكْ أَشَانْ تَبْقَى نَادُمْ الْاللّٰهْ يَرْضَى بَيَّهْ. أَبْقَى مِثِلْ خَدَّامْ الْخِدِمْتَهْ مَا تِسَبِّبْ لَيَّهْ عَيْب. فَسِّرْ كَلَامْ الْحَقّ بِتَفْسِيرْ عَدِيلْ.

أَنْقَرِعْ مِنْ شَهْوَاتْ هَنَا الصُّبَى. خُطّ بَالَكْ أَشَانْ تَبْقَى نَادُمْ صَالِحْ وَ تَبْقَى قَوِي فِي الْإِيمَانْ وَ الْمَحَبَّةْ وَ السَّلَامْ مِثِلْ كُلَّ النَّاسْ الْيَدْعُوا الرَّبّ بِقَلِبْ طَاهِرْ.

وَ خَدَّامْ الرَّبّ مَا وَاجِبْ يِهَارِجْ. وَ لَاكِنْ وَاجِبْ يِسَوِّي الزَّيْن لِكُلَّ النَّاسْ وَ يَعَرِفْ كِكَّيْف يِعَلِّمْهُمْ وَ يَصْبُرْ لَيْهُمْ.

وَ كَنْ مَا عِنْدِنَا أَمَانْ، هُو يَقْعُدْ دَايْماً أَمِينْ أَشَانْ هُو مَا يَقْدَرْ يَنْكُرْ نَفْسَهْ.

بِنَفَسْ بَارِدْ، هُو يِوَصِّفْ الْحَقّ لِلنَّاسْ الْيِخَالُفُوهْ وَ هُو يِدَوْر كَدَرْ اللّٰهْ يَهْدِيهُمْ لِلتَّوْبَةْ وَ يَعَرْفُوا الْحَقّ.

وَ أَنْقَرِعْ مِنْ الْكَلَامْ الشَّيْن الْمَا عِنْدَهْ فَايْدَةْ. النَّاسْ الْيِتَابُعُوا الْكَلَامْ دَا يِزِيدْهُمْ كُفُرْ بِزِيَادَةْ.