Popular Bible Verses from 2 تِمُوتَاوُس 1

Share

أَشَانْ اللّٰهْ أَنْطَانَا الرُّوحْ الْقُدُّوسْ الْهُو مَا يِسَوِّينَا خَوَّافِينْ. بِالْعَكْس، الرُّوحْ الْقُدُّوسْ يَنْطِينَا الْقُدْرَةْ وَ الْمَحَبَّةْ وَ الْعَقُلْ الثَّابِتْ.

هُو نَجَّانَا وَ نَادَانَا أَشَانْ نَبْقَوْا نَاسْ خَاصِّينْ لَيَّهْ. وَ دَا مَا بِسَبَبْ أَيِّ عَمَلْ صَالِحْ الْأَنِحْنَ سَوَّيْنَاهْ لَاكِنْ بِسَبَبْ نِيّتَهْ وَ رَحْمَتَهْ. قُبَّالْ الدُّنْيَا مَا بَدَتْ، هُو عِنْدَهْ نِيَّةْ أَشَانْ يَنْطِينَا النِّعْمَةْ دِي فِي الْمَسِيحْ عِيسَى.

أَشَانْ دَا، نِدَوْر نِذَكِّرَكْ بَتَّانْ. وَكِتْ أَنَا دَعَيْت وَ خَطَّيْت فَوْقَكْ إِيدَيْنِي، اللّٰهْ أَنْطَاكْ بَرَكَةْ وَ هِي مِثِلْ جَمُرْ. هَجِّجْهَا أَشَانْ تَبْقَى بَتَّانْ حَامِيَةْ مِثِلْ أَوَّلْ.

مَا تَخَافْ وَ مَا تَخْجَلْ. بَشِّرْ النَّاسْ بِأُسُمْ الرَّبّ الْأَنَا مَسْجُونْ فِي شَانَهْ. مَا تِدَنْقِرْ رَاسَكْ بِسَبَبْ سِجْنِي أَنَا. شَارِكْنِي فِي التَّعَبْ فِي شَانْ بِشَارَةْ الْمَسِيحْ وَ اللّٰهْ يَنْطِيكْ الْقُدْرَةْ.

وَ أَشَانْ دَا بَسْ، أَنَا قَاعِدْ نَتْعَبْ مِثِلْ دَا. لَاكِنْ الْعَيْب أَبَداً مَا سَوَّانِي أَشَانْ هُو الْأَنَا آمَنْت بَيَّهْ نَعَرْفَهْ تَمَامْ. وَ أَنَا مُؤَكِّدْ كَدَرْ هُو قَادِرْ وَ يَحْفَضْ الْأَمَانَةْ الْأَنْطَيْتهَا لَيَّهْ لَحَدِّي الْيَوْم الْأَخِيرْ.