Popular Bible Verses from 1 بُطْرُس 5

Share

كُلَّ شَيّءْ التِّهِمُّوا بَيَّهْ، خَلُّوهْ لِلّٰهْ أَشَانْ هُو يِشِيلْ مَسْؤُولِيِّتْكُو.

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

خُطُّوا بَالْكُو وَ أَقْعُدُوا وَاعِيِّينْ أَشَانْ عَدُوكُو إِبْلِيسْ قَاعِدْ يِحَوِّقْ فَوْقكُو مِثِلْ دُودْ الْقَاعِدْ يِكِرّ وَ يِفَتِّشْ نَادُمْ لِيَاكُلَهْ. أَقْعُدُوا ثَابْتِينْ فِي إِيمَانْكُو وَ أَقِيفُوا ضِدّ إِبْلِيسْ. أَعَرْفُوا كَدَرْ أَخْوَانْكُو فِي أَيِّ بَكَانْ فِي الدُّنْيَا قَاعِدِينْ يَحْمَلَوْا نَفْس التَّعَبْ مِثِلْكُو.

خَلَاصْ، مَسْكُنُوا نُفُوسْكُو قِدَّامْ قُدْرَةْ اللّٰهْ وَ فِي الْوَكِتْ الْمُوَافِقْ، هُو بَسْ يَرْفَعْكُو.

وَ لَيْكُو إِنْتُو الشَّبَابْ كُلَ، أَسْمَعَوْا عَدِيلْ كَلَامْ كُبَارَاتْكُو. وَ نُقُولْ لَيْكُو كُلُّكُو، مَسْكُنُوا نُفُوسْكُو أَمْبَيْنَاتْكُو الْوَاحِدِينْ لِلْآخَرِينْ. أَشَانْ اللّٰهْ يُقُمّ ضِدّ النَّاسْ الْيِسْتَكْبَرَوْا لَاكِنْ هُو يَنْطِي نِعْمَةْ لِلنَّاسْ الْيِمَسْكُنُوا نُفُوسْهُمْ.