Popular Bible Verses from 2 بُطْرُس 1

Share

وَ أَكِيدْ رَبِّنَا أَنْطَانَا بِقُدُرْتَهْ الْإِلٰـهِيَّةْ كُلَّ شَيّءْ الْأَنِحْنَ حَوْجَانِينْ لَيَّهْ لِنِعِيشُوا بِالتَّقْوَى. وَ دَا يَبْقَى بِعِرْفِتْنَا لَيَّهْ هُو النَّادَانَا فِي دَرْبَهْ بِخَيْرَهْ الْمَجِيدْ. وَ بَيْدَا، هُو أَنْطَانَا بَرَكَتَهْ الْقِيمِتْهَا كَبِيرَةْ بِلْحَيْن الْأَوَّلْ وَاعَدْ بَيْهَا. أَشَانْ بِالْبَرَكَةْ دِي، إِنْتُو تِشَارُكُوا فِي الطَّبِيعَةْ الْإِلٰـهِيَّةْ وَ تَمُرْقُوا مِنْ الْفَسَادْ الْمَوْجُودْ فِي الدُّنْيَا بِسَبَبْ الشَّهْوَةْ.

وَ أَشَانْ دَا، قُمُّوا بِكُلَّ جُهُدْكُو أَشَانْ تِزِيدُوا فِي الْإِيمَانْ، الْخَيْر. وَ تِزِيدُوا فِي الْخَيْر، الْمَعْرَفَةْ. وَ تِزِيدُوا فِي الْمَعْرَفَةْ، ثَبِّتِينْ النَّفْس. وَ تِزِيدُوا فِي ثَبِّتِينْ النَّفْس، الصَّبُرْ. وَ تِزِيدُوا فِي الصَّبُرْ، التَّقْوَى. وَ تِزِيدُوا فِي التَّقْوَى، الْخُوَّةْ. وَ تِزِيدُوا فِي الْخُوَّةْ، الْمَحَبَّةْ.

وَ كَنْ عِنْدُكُو الْأَشْيَاءْ دَوْل وَ قَاعِدِينْ يِزِيدُوا فَوْقكُو بِكَتَرَةْ، خَلَاصْ تَبْقَوْا نَافْعِينْ وَ تَلْقَوْا مَعْرَفَةْ زِيَادَةْ فِي رَبِّنَا عِيسَى الْمَسِيحْ.

أَشَانْ دَا، يَا أَخْوَانِي، سَوُّوا جُهُدْ بِزِيَادَةْ أَشَانْ بِحَالْكُو دِي تِأَكُّدُوا كَدَرْ اللّٰهْ عَزَلَاكُو وَ نَادَاكُو فِي دَرْبَهْ. وَ كَنْ تِسَوُّوا مِثِلْ أَنَا قُلْتَهْ، أَبَداً مَا تَمُرْقُوا مِنْ الدَّرِبْ الْعَدِيلْ دَا.