Popular Bible Verses from Tasniya 4

Share

Wa khalaas, min hinaak tifattuchu Allah Ilaahku. Wa kan tifattuchuuh be kulla guluubku wa kulla fikirku, khalaas talgooh.

Achaan Allah Ilaahku, hu Ilaah rahiim. Wa la yaabaaku wa la yidammirku wa la yansa al-muʼaahada al-halaf beeha le abbahaatku.

Achaan khadab Allah Ilaahku misil naar al-tahrig. Wa hu Ilaah khayyuur yaʼni ma yidoor taʼabudu ilaah aakhar.

Wa laakin angarʼu ! Ahfado adiil nufuusku achaan ma tanso al-achya al-chaafoohum uyuunku. Wa fi kulla muddit hayaatku, khalli ma yamurgu min guluubku. Wa arrufuuhum le iyaalku wa le iyaal iyaalku.

Wa l-yoom, aʼarfu wa khuttu fi guluubku kadar Allah hu bas Rabb al-samaawaat wa l-ard. Wa la ilaah illa hu.

Achaan weeni al-umma al-kabiire al-indaha ilaahaat gariibiin leeha misil Allah Ilaahna wakit ninaaduuh fi ayyi wakit ?

Wa kan fi diigitku tiwaajuhu kulla l-kalaam da, khalaas fi l-akhiir, tigabbulu le Allah Ilaahku wa tasmaʼo kalaamah.

Ma tiziidu cheyy fi l-awaamir al-ana amartuku beehum wa la tangusu minhum cheyy. Achaan tahfado wasaaya Allah Ilaahku al-ana amartuku beehum.