Popular Bible Verses from Lomaŋ 3

Share

Núu kélee da sɔnyɔ̂ŋ kɛ́ dímaa kôya Ɣâla ma. Ɣâla a núu kélee ŋuŋ ma ƃò a ŋɔƃɛlɛ-see sama-sɛŋ Zîsɛ Kôrai sârai.

Ɣâla a núu sìɣe a tɔ̃yâ nuu ŋɔlaa-lai mɛni ma Zîsɛ Kôrai sârai. Va su-ɣɛɛ kɛ̀.

Ɣâla è nɛ̀ a zu ponoɔɔ a gɛ́ɛ é sâla kula a ŋ̀ãai a gɛ́ɛ dí zɔlɔ ƃó laa-la su. Ɣâla è nyíŋi kɛ̀ a gɛ́ɛ e ŋɔtɔ̃yâ laa-lai lɛ́, kpɛ́ni fêi, è tèe sɔnyɔ̂ŋ pɔlɔ-ŋa dîa Ŋɔɣâla lii-kpelei su. È gɛ̀ a tãi ŋí a gɛ́ɛ é ǹɛ́ a gɛ́ɛ ǹyaa kpîŋ gáa a tɔ̃yâ-Ɣala a gɛ́ɛ ŋɔ́nɔ a diai tòli a tɔ̃yâ-ƃela nyíi-ŋai da lâa a Zisɛi.

Dɔ̂ŋ mɛi káa nɔ́ fa gɛ̀ Ɣâla é núu síɣe a tɔ̃yâ-nuu. Dɔ̂ŋ a sɔnyɔ̂ŋ lɛ̀ nɔ́ kûa.

Yɛ̂ɛ berei Ŋ̀âla-kɔlɔi a m̀o lai: “Tɔ̃yâ-nuu da kélee fé ŋɔ́nɔ naa. Núu da fé ŋɔ́nɔ mɛni ŋá kâai kpaa máŋ é Ɣâla kɔ́ri. Núu kélee da dípôlu tɔɔ mɛni lɛ́lɛɛ ma da pɛ̀lɛ mɛni nyɔ́mɔɔ-ŋa kɛ́ɛ ma. Mɛni lɛ́lɛɛ da kélee kɛ́ nuu fé ŋɔ́nɔ ma a dɔnɔ kpîŋ.

Kúlaâi Ɣâla a núu tòli a tɔ̃yâ-nuu laa-la sârai e kúla dɔ̂ŋ mɛi káa pôlu.

Vé tí a dɔnɔ kpîŋ! Tɔɔ Ɣâla maa-mɛni é kɛ́ a tɔ̃yâ, berei máŋ núu-kpune mɛni fé la a tɔ̃yâi, yɛ̂ɛ berei bɔ̃yɛɛ̂i lai, “Nûa da pâi ítolîi a tɔ̃yâ-nuu ílono-woo-ŋai ma. Ɣele da ímɛnii ŋá tèe lai, ímɛnii a pâi lɛ̂lɛɛi.”