Popular Bible Verses from Lomaŋ 2

Share

Gáa íkili ŋá, yái a núu-kpunei, a gɛ́ɛ à kɛ̀ diai da m̀ɛni sîi-ŋai tí kɛ̀i yà dímɛnii ŋá tèe, ǹyaŋ íkɛ m̀aa mɛni-ŋai kɛ̀ ya kpîŋ, íŋuŋ ma a pâi kɛ̂i a m̀óɔɔ Ɣâla ŋɔmɛni ŋá-teɛɛi su? Kpaa máŋ ya íŋɛi naɣîŋ ŋɔsɔŋ lɛ̂lɛ-laa su-kɛ́tɛi mɛi, ŋɔmaloŋ-kaai da ŋɔlii-kpelei ma? Ífe gɔ́lɔŋ a gɛ́ɛ Ɣâla ŋɔsɔŋ lɛ̂lɛi su-kulai ƃa é íkɛ í ílii pene?

M̀ɛni ma, yái íkaa a núu-kpunei, káfalo da kélee fé íyeêi núu da kpɛ́ni ŋɔmɛni ŋá tée mɛni ma, a nɛ̃ɛ ma kpîŋ íkɛ a gbɛ̂ɛ. Yà kɛ̀ núu da kpɛni ŋɔmɛnii ŋa teêi íkaa mɛni lɛɛ̂i íkpîŋ yâ, kpɛ́ni fêi, yái íkaa a mɛni ŋá-tee-nuui íkaa mɛni tɔnɔi tí kɛ̂i.

kpɛ́ni fêi, Ɣâla káa núu sii kélee mɛni ma.

Diai da dɔ̂ŋ mɛni kɛ́lɛ dífa sia a ŋ̀óoi dífe a tɔ̃yâ-ƃela Ɣâla ŋɛi, kɛ́lɛ, Ɣâla a pâi dɔ̂ŋ mɛi káa-ƃelai tólîi a tɔ̃yâ-ƃela.

A pâi kɛ̂i tí, kpɛ́ni fêi, a pâi núu kélee fela fêi yɛ̂ɛ berei ŋɔtíi káa lai.

Kɛ́lɛ, diai da tûa nɔ́ a díkpîŋ nia pere dífa dɔ̃yâi mɛni siɣe a tɔ̃yâ, kɛ́lɛ, díkɛ ŋ̀wana-lɔ̂ɔ mɛni siɣe a tɔ̃yâi, da pâi kɛ̂i Ɣâla a pâi díkula maa kɛ̂i.

Kɛ́lɛ, íwolii kpɔlɔ̂i, ífa ílii pene. M̀ɛni ƃé pâi gɛ̂i ímɛni kula-maai su é kɛ́tɛ a Ɣâla ŋɔtɔ̃yâ mɛni ŋá-tee ɣelei.