Popular Bible Verses from Zasua 6

Share

Ǹyaŋ Yâwɛɛ è mò Zasua ma ǹyɛɛi, “Gáa, ŋa Zɛleko tɛɛ ípɔ, ŋɔkâloŋ da ŋɔkɔ́-kulaƃa-ŋai.

Zâla láa soŋ-ƃelai da pâi dúrii fɛ̂ɛi a ŋ̀óo su kɛ́tɛ. À kɛ̀ tí, kákelee ka láɣi a gîe. À kɛ̀ tí, galai Zɛleko mai, a pâi wôloi, gɛ̀ ní gɔ́-kûluƃa-ŋai kélee da pâi tɛ̂i daai su a kîrɛ.”

Ka gɔkûluƃa-ŋai kélee ka pâi tinaniî Zɛleko taai ma tɔnɔ. Ka pâi gɛ̂i tí a fólo kûu lɔ́ɔlu mɛi da.

Ka kɛ̀ tînanii daai ma, ka Gono-têe gãlai síɣe, sâla láa soŋ-ƃela lɔ́ɔlu mɛi feerɛ dí kɛ́ ƃò gãlai túɛ, ƃála-mĩla turu kɛ́ ƃò díyêei tɛi-tɛ́i. Ŋ̀ele kûui mɛi feerɛ ɣelei, ka tínaŋ daa-lêei ma gîei lɔ́ɔlu mɛi feerɛ, zâla láa soŋ-ƃelai díkɛ dúrii fɛ̀ɛ.

Zɛleko-ƃelai dí Zɛleko galai lá tɛ̀, kpɛ́ni fêi, Eezuɛ-ŋai díkɛ̀ pâi. Ǹûai kélee dí lɛ̀ɛ Zɛleko daai dí galai lá tɛ́. Núu da fa lɔ́ ní kpaa é kúla naa.

Ǹûai tinaŋɔɔ daai ma ǹɔ́ɔlu mɛi feerɛ ɣelei, zâla-laa soŋ-ƃelai dí dúru-ŋai fɛ̂ɛ Zasua ǹyɛɛ ǹûai dîai, “Ka láɣi, kpɛ́ni fei, Yâwɛɛ aâ daai ŋí tɛ́ɛ kúpɔ

Ǹyaŋ Yâwɛɛ a daai ŋí tɛ́ɛ kúpɔ a gɛ́ɛ kú ǹûai kélee páa, kú zu sãa kélee su kara a gɛ́ɛ díkɛ a sama-sã̂a Yâwɛɛ mɛni ma. Diai nɔ́ pâi lɛɛ̂i dîa ƃa ŋ̀úlu-wulu kɛ́-nɛnii Leea da ŋɔpɛ́rɛi mu-ƃelai, kpɛ́ni fêi, ǹyaa ƃé kúmɛni maa kpɛɛ-ƃelai lôo.